ژینگەدۆستان لە سەرما و سۆڵەی زستان خواردن بۆ باڵندە و ئاژەڵە کێوییەکان دابین دەکەن

ئاڤا نیوز

ژمارەیەک ژینگەدۆست سەرەڕای بەفربارین و سەرمای زۆر لە ناوچە شاخاوییەکان خۆراک و خواردن بۆ ئاژەڵ و باڵندەکان دابین دەکەن.

 

وێنە گەورەکە: لەگەڵ هاتنی وەرزی زستان و بەفربارین لە ناوچە شاخاویی و کوێستانییەکان، باڵندە و ئاژەڵە کێوییەکان ڕووبەڕووی دۆخێک دەبنەوە کە بەز ەحمەت خۆراک و خواردنیان دەستدەکەوێت، بەڵام ژمارەیەک ژینگەدۆست دەیان کیلۆمەتریان بڕیوە و گوێ بە بارینی بەفر و سەرما نادەن بۆ دابینکردنی خواردن بۆ ئاژەڵ و باڵندەکان.

لێدوانی فەرمی: ژینگەدۆستێک لەبارەی هەڵمەتەکەیانەوە دەڵێت، ئەوە پەیامێکە بۆ ڕاوچییەکان کە دووربکەونەوە لە ڕاوکردنی باڵندە وئاژەڵە کێویەکان.

ئەمەش بزانە: لە سنوری سۆران بەهۆی هەبوونی چیا و کێوی بەرز چەندین جۆری باڵندەی کێوی و ئاژەڵی کێوی تێدا دەژی، بەتایبەتی کەو، ئاسک، ورچ و ڕێوی، ساڵانە بەهۆی بەفر و بارانی زۆر بۆ خواردن ڕوو لە ئاواییەکان دەکەن و بەشێکیان لەلایەن ڕاوچییەکان ڕاودەکرێن و لە نێودەبرێن.