پەرلەمانی ئەڵمانیا متمانەی لە حکومەتەکەی شۆڵتز سەندەوە

ئاڤا نیوز

 

پەرلەمانی ئەڵمانیا بەزۆرینەی دەنگی پەرلەمانتاران بڕیاری دا بە وەرگرتنەوەی متمانە لە ئۆلاف شۆڵتز ڕاوێژکاری وڵاتەکە.

 

لێدوانی فەرمی: ئۆلاف شۆڵتس، ڕاوێژکاری ئەڵمانیا، لەبەردەم پەرلەمانتارانی وڵاتەکەی داوایکرد، پارێزگاری لەو دەستکەوتانە بکرێت کە ئەڵمانیای بەهێزتر و گەشەسەندووتر کردووە. 

 

ڕاگەیێندراوی فەرمی: پەرلەمانی ئەڵمانیا بڵاویکردەوە، لە کۆی 717 پەرلەمانتار، 394 پەرلەمانتار دەنگی بە وەرگرتنەوەی متمانە لە ئۆلاف شۆڵتز داوە، هەروەها 207 پەرلەمانتار دەنگی بە دووبارە بەخشینی متمانە پێی داوە، هاوکات 116 پەرلەمانتار دەنگیان نەداوە.

 

زانیاریی زیاتر: ئەمە بۆ جاری شەشەم بوو لە مێژووی ئەڵمانیادا، ڕاوێژکاری وڵاتەکە داوای دەنگدان بکات لەسەر متمانەی لەلایەن پەرلەمانەوە.

 

باکگراوەند: دوای وەرگرتنەوەی متمانە لە ڕاوێژکاری ئەڵمانیا، سەرۆکی ئەو وڵاتە پەرلەمان هەڵدەوەشێنێتەوە و لە ماوەی 60 ڕۆژدا، ڕۆژی هەڵبژاردنی پەرلەمانی نوێ دیاری دەکات، کە بڕیارە لە 23ی مانگی شوباتی 2025 ئەنجام بدرێت.