قوباد تاڵەبانی: لەمەودوا بنەمای سزا و پاداشت پەیڕەو دەکەین

ئاڤا نیوز

 

قوباد تاڵەبانی، جێگری سەرۆکوەزیرانی هەرێمی کوردستان ڕایدەگەیێنێت، لەمەودوا  بنەمای سزا و پاداشت پەیڕەو دەکەین و هەر بەرپرسێک جێی ڕەزامەندیی هاووڵاتیان نەبێت دەیگۆڕین.

 

لێدوانی فەرمی: قوباد تاڵەبانی ڕایگەیاند: لە کاتی بانگەشەی هەڵبژاردندا ڕاوێژمان لەگەڵ زۆرێک لە چین و توێژەکانی دەڤەری راپەڕین کرد، هەندێک لە بەڕێوەبەر و بەرپرسانی حکومی لەو دەڤەرە جێی ڕەزامەندیی هاوڵاتییان بوون، بەڵام هەندێکیشیان کەمتەرخەم بوون لە راپەڕاندنی کارەکانیان.

جێگری سەرۆکوەزیران دەڵێت: لە کۆبوونەوەمدا لەگەڵ تیمی یەکێتی لە ئیدارەی راپەڕین جەختم کردەوە کە بنەمای سزا و پاداشت پەیڕەو دەکەین و ڕەزامەندیی هاوڵاتییانمان لەو دەڤەرە لە سەرووی هەموو ئیعتیبارێکی حزبی و کەسییەوە دەبێت و تاکە هۆکار دەبێت بۆ مانەوە یا خود گۆڕینی هەر بەرپرسێکی حکومی دەڤەرەکە.