هەسەدە: گرووپە چەکدارەکان خۆیان بۆ هێرشکردنە سەر کۆبانی و عەین عیسا ئامادە دەکەن

ئاڤا نیوز

 

هاووڵاتییانی کۆبانێ داوا لە هاوپەیمانیی نێودەوڵەتی دەكەن شارەکەیان لە هەڕەشەکان بپارێزن، هەسەدەش دەلێت: گرووپە چەکدارەکان خۆیان بۆ هێرشکردنە سەر کۆبانی و عەین عیسا ئامادە دەکەن.

 

وێنە گەورەکە: شەوی سێشەممە لەسەر چوارشەممە، 11-12-2024، بە نێوەندگیری ئەمەریکا ئاگربەست لە نێوان هەسەدە و گرووپە چەکدارەکانی نزیک لە تورکیا لە منبج ڕاگەیێنرا.

 

ڕاگەیێنراوی فەرمی: هەسەدە ڕایگەیاند، هەوڵەکانی ئاگربەست لەگەڵ گرووپە چەکدارەکانی نزیک لە تورکیا شکستی هێناوە و ئێمە دەزانین ئەمرۆ یان بەیانی بێت، گرووپە چەکدارەکان ئەو ڕێککەوتنەی لە نێوان ئێمە و ئەوان کراوە لە منبج دەیشکێنن و پێوەی پابەند نابن".

 

هەسەدە دەشلێت، دەیان خێزانی كورد لەسنوری منبج ماون و دەیانەوێت بەرەو کۆبانێ بڕۆن و لەوێ نیشتەجێبن، بەڵام چەکدارەکان ڕێگرییان لێدەکەن، ئەمەش دەبێتە مەترسی لەسەر ژیانیان.

ئەوەی پێویستە بیزانیت: گرووپە چەکدارەکانی نزیک لە تورکیا خۆیان بۆ هێرشکردنە سەر کۆبانی و عەین عیسا ئامادە دەکەن.