ئەردۆغان: ڕێگە نادەین تیرۆر لە ناوچەکەماندا گەشە بکات

ئاڤا نیوز 

 

 سەرۆککۆماری تورکیا لە کۆنگرەی ڕۆژنامەوانیدا لەگەڵ سەرۆکی کۆمسیۆنی یەکێتی ئەوروپا، جەختی لەوە کردەوە کە ڕێگە نادەن داعش و پەکەکە لە ناوچەکە گەشەبکەن و  تورکیا تاکە هاوپەیمانی ناتۆیە ئەو دوو گرووپەی تێکشکاند.

  
وێنە گەورەکە: ئورسولا ڤۆن دێر لاین، سەرۆکی کۆمسیۆنی یەکێتی ئەوروپا، بەسەردانێکی فەرمی گەیشتە ئەنقەرە و لە کۆنگرەیەکی ڕۆژنامەوانیدا هەردوولا جەختیان لە پتەوکردنی پەیوەندییە ئابووری و بازرگانی و دیپلۆماسییەکانی نێوانیان کرد و پرسی دووبارە بوونیادنانەوەی سووریای نوێ بابەتی سەرەکی کۆبوونەوەکەیان بوو.

لێدوانی فەرمی: ڕەجەب تەیب ئەردۆغان لە کۆنگرەکەدا گوتی: تاکە وڵاتین لە ناتۆ کە داعش و پەکەکەمان تێک شکاندووە، ڕێگە بە گەشەسەندنی تیرۆرستان نادەین و لە ماوەی 13 ساڵی ڕابردوودا خەڵکی سووریا بە بەردەمی وڵاتانی جیهانەوە زوڵمیان لێکرا و بێدەنگ بوون، ئێستا کاتی ئەوەیە قەرەبووی ئەو ساڵانەیان بۆ بکەنەوە.

لەلایەکی دیکەوە: ڤۆن دێر لاین گوتی، هاوکاریی مرۆیی بۆ خەڵکی سووریا دەنێرین و کاردەکەین بۆ گەیاندنی هاوکاریی زیاتر بۆ بوونیادنانەوەی ژێرخانی سووریا.