ئەمریکا داوا لە عێراق دەکات نووسینگەی حوسییەکان لە بەغدا دابخات

ئاڤا نیوز

 

ئەمریکا داوای لە حکومەتی عێراق کردووە، نووسینگەی گرووپی حوسییەکانی یەمەن لە بەغدا دابخات و سەرکردەکانی لەو وڵاتە دووربخاتەوە. عێراق داوای دووەمی ئەمریکای جێبەجێکردووە کە دوورخستووەتەوەی بەشێک لە سەرکردەکانی ئەو گرووپەیە لە عێراق، بەڵام تائێستا نووسینگەی ئەو گرووپە لە عێراق کراوەیە.

 

لێدوانی فەرمی: ماڵپەڕی "یەمەن مۆنیتۆر" لە زاری دوو سەرچاوەی دیپلۆماسی ڕایگەیاندووە، حکومەتی عێراق نووسینگەکانی حوسییەکان و ئێرانی لەو داوایەی ئەمریکا ئاگادار کردەوە، هاوکات سەرکردە سەربازییەکانی حوسییەکانی لە خاکی عێراق دوورخستووەتەوە کە لەگەڵ کەتیبەکانی حیزبووڵڵای عێراق کاردەکەن.

 

ئەوەی پێویستە بیزانیت: حکومەتی عێراق بە فەرمی دانی بە حوسییەکان دا نەناوە وەکو نوێنەری یەمەن، بەڵام ئەحمەد ئەلشەرفی، بەرپرسی نووسینگەی حوسییەکانە لە عێراق کە زیاتر پەیوەندیی لەگەڵ دەزگا ئەمنی و گرووپە چەکدارەکانی سەر بە ئێران هەیە.

 

لەلایەکی دیکە: ئوسامە مەهدی غانم، باڵیۆزی حکومەتی دانپێداروی یەمەنە لە وڵاتی عێراق.