ئەڵمانیا لەبارەی هێرشكردنە سەر كوردانی ڕۆژئاوا هۆشداریی بە توركیا دەدات

ئاڤا نیوز

 

وەزارەتی دەرەوەی ئەڵمانیا هۆشداری بە توركیا دەدات لەوەی هێرش نەكاتە سەر ناوچەكانی باكوور و ڕۆژهەڵاتی سووریا كە كورد تێیدا حكومڕانە.

 

وێنە گەورەكە: دوای ڕووخانی دەسەڵاتەكەی بەشار ئەسەد و هاتنە سەر حكومی هێزەكانی تەحریرولشام، توركیا هەبوونی هێزەكانی یەپەگە بە هەڕەشە بۆ سەر ئاییندەی سووریا و ئەمنیەتی سنوورەكانی خۆی وەسف دەكات و لە زاری وەزیری دەرەوەی چەندینجار ئەوەی دووپات كردووەتەوە كە یەپەگە لە سووریای نوێ جێی نابێتەوە.

 

لێدوانی فەرمی: ئانالینا بێربۆك، وەزیری دەرەوەی ئەڵمانیا، لەمیانی ئاماژەكردنی بە كردنەوەی باڵیۆزخانەی نوێی وڵاتەكەی لە دیمەشق، ڕایگەیاند، وڵاتانی ئەوروپا ئامادەن گفتوگۆ لەگەڵ دەسەڵاتی ئێستای سووریا بكەن و پەیوەندییە دیپلۆماسییەكان بەهێز بكەن.

 

ڕوونیشی کردەوە، ئەڵمانیا نیگەرانە لە گەڕانەوەی پەنابەرانی سووریا و بۆچوونی وایە كاریگەریی نەرێنی لەسەر ئابووری وڵات دەبێت.

ئەوەی پێویستە بیزانیت: ئەڵمانیا كە هەمیشە وەك دۆستێكی نزیكی كورد وەسف دەكرێت، هۆشداری بە توركیا داوە کە هێرش نەكاتە سەر كوردەكان لە ڕۆژئاوای كوردستان و مەترسی لەو جۆرە بە  داهاتووێكی ڕەش بۆ سەر ئاییندەی سووریا وەسف دەكات.