لە ئەمریکاوە بڕیارێک بۆ پشتگیریکردنی پێشمەرگە و هەسەدە پەسەند کرا

ئاڤا نیوز

 

بە گوێرەی پرۆژەیاسای بودجەی بەرگریی وڵاتەکەی بۆ ساڵی 2025، ئەمریکا بەردەوام دەبێت لە هاوکاریکردنی پێشمەرگە و هێزەکانی سووریای دیموکرات (هەسەدە) .

وێنە گەورەکە: ئەنجوومەنی پیرانی ئەمریکا پڕۆژەیاسای بودجەی بەرگریی وڵاتەکەی پەسەندکرد و بەپێی پڕۆژەیاساکە ئەمریکا بۆ ساڵی 2025 بەردەوام دەبێت لە هاوکاریکردنی پێشمەرگە لەڕووی دابینکردنی کەرەستەی سەربازی و ڕاهێنان بە هێزەکانی پێشمەرگە.

زانیاریی زیاتر: بەگوێرەی پرۆژەیاساکە، ئەمریکا لە هاوکاریکردنی هێزەکانی سووریای دیموکراتیش (هەسەدە) لە ڕۆژئاوای کوردستان  بەردەوام دەبێت بۆ درێژەدان بە تێکشکاندنی داعش لە سووریا.

 

لێدوانی فەرمی: چاک شومەر، سیناتۆری ئەمریکی لە دیموکراتەکان ڕایگەیاند: بە پەسەندکردنی پڕۆژەیاساکە لە چەند دەیە ڕابردوودا گەورەترین هەنگاومان ناوە.

 

باکگراوەند: ئەنجوومەنی پیرانی ئەمریکا بە دەنگی 85 ئەندام پڕۆژەیاسای بەرگریی وڵاتەکەی بۆ ساڵی 2025 پەسەندکرد و ئێستا تەنها پێویستی بە واژۆی جۆبایدن، سەرۆکی ئەمریکا هەیە.