بەڕێوەبەرایەتیی پاسپۆرتی سلێمانی ئاگادارییەك ئاراستەی دانیشتووانی شارەكە دەكات

ئاڤا نیوز

 

بەڕێوەبەرایەتیی پاسپۆرتی سلێمانی لە ئاگادارییەكدا چەند زانیارییەك سەبارەت بە دەرهێنانی پاسپۆرت بەپێی سیستەمی ئەلیكترۆنی و ڕێككارەکان و نرخەكەی بڵاودەكاتەوە.

 

ڕاگەیێنراوی فەرمی: پاسپۆرتی سلێمانی ئاگاداری دانیشتووانی پارێزگاكە دەكاتەوە كە نرخی تێچووی پاسپۆرت 91 هەزار دینارە بەپێی سیستەمی ئەلیكرۆنی بەو مەرجەی سەرەی گرتبێت، بەڵام ئەگەر سەرەی ئەلیكترۆنی نەگرتبێت ئەوا 100 هەزار دینار زیاتر لە داواكار وەردەگیرێت، لەگەڵ 91 هەزار تێچووی پاسپۆرتەكە كۆی گشتیی پارەكە دەبێتە 191 هەزار دینار.

 

زانیاریی زیاتر: هەر لە ڕاگەیێنراوەکەی پاسپۆرتی سلێمانی هاتووە كە بەگوێرەی كاتی دیاركراوی خۆیان كە بە نامەی ئەلیكترۆنی بۆیان دیاركراوە سەردانی بەڕێوەبەرایەتییەكە بكەن، واتا ئەو كاتەی كە لە سەرە ئەلیكترۆنییەكەدا دەستنیشان كراوە، هەر كەسێك پابەندی كاتەكە نەبێت مامەڵەكەی بۆ ڕایی ناكرێت.

 

لەلایەكی دیكەوە: بەپێی ئاگادارییەكەی بەڕێوەبەرایەتیی پاسپۆرتی سلێمانی، بۆ دەرهێنانی پاسپۆرت تەنیا كار بە كارتی نیشتمانی و كارتی زانیاری دەكرێت و كار بە پێناسی باری شارستانی و ڕەگەزنامەی عێراقی ناكرێت.

 

ئەوەش بزانە: داواكاران دەتوانن لە ڕێگەی ماڵپەری www.epp.iq سەرەی ئەلیكترۆنی ئەنجام بدەن.