بەشی ڕادەستكردنەوە و داواكردنی تاوانباران لەنێو وەزارەتی داد دەكرێتەوە

ئاڤا نیوز

 

بەشی ڕادەستكردنەوە و داواكردنی تۆمەتباران و تاوانباران لەنێو وەزارەتی دادی حكومەتی هەرێمی كوردستان كرایەوە كە ڕاستەوخۆ سەر بە نووسینگەی وەزیری داد دەبێت.

 

وێنە گەورەكە: لەپێناو ڕادەستكردنەوەی تاوانباران و تۆمەتباران لەنێوان هەرێمی كوردستان و وڵاتانی دەرەوە، چ ئەوانەی لە دەرەوەی هەرێمی كوردستان تاوانیان ئەنجامداوە و بۆ هەرێمی كوردستان هەڵاتوون، یاخود ئەو تۆمەتبار و تاوانبارانەی كە لە هەرێمی كوردستان تاوانیان ئەنجامداوە، لەڕێگەی كەناڵە دیپلۆماسییەكانەوە ڕادەستی وڵاتانی خۆیان دەكرێنەوە، بەشی ڕادەستكردن و داواكردنی تۆمەتباران و تاوانباران لەنێو وەزارەتی داد كرایەوە.

 

ڕاگەیێندراوی فەرمی: ماڵپەڕی فەرمی وەزارەتی دادی حكومەتی هەرێمی كوردستان بڵاویكردووەتەوە، كە پاڵپشت بە بەیانی ژمارە 16ـی ساڵی 2024، كە لە ژمارە 327ـی ڕۆژنامەی وەقایعی كوردستان بڵاوكراوەتەوە، بڕیاردرا بە كردنەوە و بەستنەوەی ڕاستەوخۆی بەشی ڕادەستكردن و داواكردنی تۆمەتباران و تاوانبارن بە نووسینگەی وەزیری داد.

 

زانیاریی زیاتر: ئەرکێکی دیکەی ئەو بەشە سەرپەرشتیکردنی گواستنەوەی ماوەی بەسەربردنی سزای سزادراوێکە لە زیندانی وڵاتێکی دیكەوە بۆ هەرێمی کوردستان.

 

زانیاریی بەدەستهاتوو: ئێستا ئەم بەشە نزیکەی 280 دۆسیەی جۆراوجۆری لەبەردەستدایە.