ئەمریکا پارە بۆ دەستگیرکردنی ئەحمەد شەرع تەرخان ناکات

ئاڤا نیوز

 

دوای کۆبوونەوەی ئەمڕۆیان لەگەڵ ئەحمەد شەرع، باربارا لیف یاریدەدەری وەزیری دەرەوەی ئەمریکا بۆ کاروباری ڕۆژهەڵاتی ناوەڕاست ڕایگەیاند: ئەمریکا دابینکردنی ئەو خەڵاتەی هەڵوەشاندووەتەوە کە بۆ دەستنیشانکردنی شوێنی شەرع دیاریکردبوو. 

 

وێنە گەورەکە: ئەمڕۆ شاندێکی ئەمریکا سەردانی دیمەشقی پایتەختی سووریا کرد و لەگەڵ محەممەد شەرع، سەرۆکی ئیدارەی نوێی سووریا کۆبوونەوە  و تاتوێی چەند پرسێکی تایبەت بە دۆخی ئێستای وڵاتەکەیان کرد. 

 

لێدوانی فەرمی: باربارا لیف، لە کۆنگرەیەکی ڕۆژنامەوانی ئۆنلایندا ڕایگەیاند:" ئەمریکا ئەو خەڵاتەی کە بۆ زانینی زانیاریی لەبارەی شوێنی ئەحمەد شەرع دیارکردبوو هەڵوەشاندووەتەوە.

 

لەلایەکی دیکەوە: ئەمڕۆ شاندێکی باڵای وەزارەتی دەرەوەی ئەمریکا و فەرەنسا سەردانی ڕۆژئاوای کوردستانیان کرد و لەگەڵ لایەنە کوردییەکان کۆبوونەوە بەمەبەستی گفتوگۆکردن لەسەر دروستکردنی بەرەیەکی هاوبەشی کوردی.

 

زانیاریی زیاتر: باربارا لیف لە کۆنگرە ڕۆژنامەوانییەکەیدا باسی لە چەند شتێکی تریش کردووە لەوانە:

٠ ئێران هیچ ئایندەیەکی لە سووریادا نابێت.
٠ پشتیووانی لە حکومەتی نوێی سووریا دەکەین.    
٠ گوێگرتن لە سووریەکان دەرفەتێکی گرنگە.
 ٠پاڵپشتی لە پڕۆسەی سیاسی نوێ لە سووریا دەکەین.
٠ باشترین رێگە لە کۆبانێ ئاگربەستە.
٠ تورکیا لە سووریا هەژمونێکی کۆن و گرنگ و بەهێزی هەیە.
 ٠سوورییەکان دەرفەتێکی دەگمەنیان لەبەردەستایە بۆ ئاوەدانکردنەوەی وڵاتەکەیان.
٠ پێشوازی لە پەیامە گرنگەکەی تەحریرولشام دەکەین.