گڵكۆی هونەرمەند حەسەن زیرەك دوای شێواندنی چاكدەكرێتەوە

ئاڤا نیوز

 

دوای شكاندی كێڵی گڵكۆی هونەرمەندی ناوداری كورد 'حەسەن زیرەك' لەلایەن چەند كەسێكی نەناسراوەوە، ئەمڕۆ لەلایەن شارەوانی بۆكانەوە گۆڕەكەی چاككرایەوە.

 

وێنە گەورەكە: دوای ئەوەی لە تۆڕە كۆمەڵایەتییەكان بەشێوەیێكی بەربڵاو وێنەی شكانی كێڵی گڵكۆی هونەرمەندی ناسراوی كورد حەسەن زیرەك بڵاوبووەوە، ئەم ڕووداوە نیگەرانی و كاردانەوەی زۆری بەدوای خۆیدا هێنا و هاووڵاتییانی ڕۆژهەڵاتی كوردستان داوایانكرد بەزووترین كات لێكۆڵینەوە لەم ڕووداوە بكرێت و بكەرانی بدۆزرێنەوە.

 

ئەوەی پێویستە بیزانیت: بەگووتەی هاووڵاتییانی بۆكان، شێواندنی گڵكۆی حەسەن زیرەك لەلایەن كەسانی نەناسراوەوە كراوە، ئەو پێشهاتەش دەنگدانەوەی زۆری بەدوای خۆیدا هێنا و لەزۆربەی شوێنە گشتییەكانی شار و ناوچەكانی ڕۆژهەڵاتی كوردستان وەك پاڵپشتیێك، گۆرانییەكانی ئەو هونەرمەندە مەزنە پەخش دەكرا.

 

ئەوەش بزانە: گۆڕی هونەرمەندی ناسراوی كورد حەسەن زیرەك لە بەرزاییەكانی ناڵەشكێنە لە شاری بۆكان لە ڕۆژهەڵاتی كوردستان.