ڕاوێژکاری ئەڵمانیا: بە یاسا وەڵامی هێرشەکەی مارگدێیورگ دەدەینەوە

ئاڤا نیوز

 

ئۆلاف شۆڵز، ڕاوێژکاری ئەڵمانیا لەبارەی ڕووداوەکەی بازاڕی کریسمس لە شاری مارگدیبۆرگ هاتە دەنگ و ڕایگەیاند، وڵاتەکەی بە یاسا وەڵامی ئەو هێرشە دەداتەوە.

 

چیرۆکی سەرەکی: لە 20-12-2024 ئۆتۆمبێلێک لە ڕۆژهەڵاتی ئەڵمانیا لە شاری مارگدێبورگ خۆی کرد بە نێو بازاڕێکی تایبەت بە کریسمسدا و بەهۆیەوە 11 کەس گیانیان لەدەستدا و نزیکەی 200 کەسی دیکەش  برینداربوون.

 

لێدوانی فەرمی: ئۆلاف شۆڵز، ڕاوێژکاری ئەڵمانیا ڕایگەیاند، ''بە یاسا وەڵامی هێرشەکە دەدەینەوە، ئەمە چ کردەوەیەکی ترسناکە، بەشێوەیەکی دڕندانە خەڵک لەوی بکوژیت و برینداریان بکەی''.

 

لەلایەکی دیکە: ڕاوێژکاری ئەڵمانیا سوپاسی هاوسۆزی وڵاتانی کرد کە هاوخەمی خۆیان بۆ هێرشەکە دەربڕی و لەگەڵ گەلی ئەڵمانیادا وەستان.

 

ئەمەش بزانە: هەر دوای ڕووداوەکە پۆلیسی ئەڵمانیا تۆمەتباری سەرەکی ڕووداوەکەی دەستگیر کرد. کە بەگوێرەی زانیارییەکان پزیشکێکی دەروونی تەمەن 50 ساڵە و بەڕەچەڵەک سعودییە.