سەرۆکوەزیران بارزانی لە ئەمریکاوە بەدواداچوون بۆ ڕووداوی ئاگرکەوتنەوەی هەولێر دەکات

ئاڤا نیوز 

سەرۆکوەزیران بارزانی پەیوەندی بە پارێزگاری هەولێر کرد و ڕایسپارد بەدواداچوون و لێکۆڵینەوەی ورد بۆ هۆکارەکانی ڕوودانی ئاگرەکە بکەن. 

 

ڕاگەیێنراوی فەرمی: سەرۆکوەزیران بارزانی بۆ بەدواداچوونی ڕووداوی ئاگرکەوتنەوەی بازاڕی لەنگەی هەولێر، لە پەیوەندییەکی تەلەفۆنیدا ئومێد خۆشناو، پارێزگاری هەولێر و دەزگا پەیوەندیدارەکانی ڕاسپارد کە بەدواداچوون و لێکۆڵینەوەی ورد بۆ هۆکارەکانی ڕوودانی ئاگرەکە بکەن.

ئەوەی پێویستە بیزانیت: ئامادەیی حکومەتیشی دەربڕی بۆ هاوکاریکردنی زیانلێکەوتووان و دەزگاکانی حکومەتیشی ڕاسپارد کە هەرجی پێویست بێت لەمبارەیەوە ئەنجامی بدەن.

 

زانیاریی زیاتر: سەرۆکوەزیران بارزانی دەستخۆشی لە تیمەکانی ئاگرکوژێنەوە، پۆلیس، ئاسایش، هاتووچۆ، تەندروستی و شارەوانی کرد بۆ زوو گەیشتن بە شوێنی ڕووداوەکە و هەوڵەکانیان لەپێناو کۆنترۆڵکردنە ئاگرەکە و بەهاناوەچوونی زیانلێکەوتووان.

 

چیرۆکی سەرەکی: نزیک کاتژمێر 07:00 ئێوارەی ئەمڕۆ سێشەممە 27-02-2024 ئاگرێکی گەورە لە بازاڕی لەنگەی شاری هەولێر کەوتەوە و بووە هۆی سووتانی سەددان دووکان.