ئەم هەفتەیە مووچەی مانگی 10ـی مامۆستایانی گرێبەست دابەش دەکرێت

ئاڤا نیوز

 

دووەم مووچەی مامۆستایانی گرێبەست دابەش دەکرێت و  بەشێکیان لەماوەی سێ ڕۆژدا شایستەی دارایی دوو مانگی ئەمساڵ و مووچەی مانگی 10 وەردەگرن.

 

وێنە گەورەکە: بەگوێرەی لیستی مووچەی مانگی 10 ڕۆژی شەممە مووچەی وەزارەتی پەروەردە خەرجکرا، بەڵام مامۆستایانی گرێبەست بەهۆی کورتهێنانەوە مووچەکانیان وەرنەگرت و بڕیارە لەم هەفتەیە دابەش بکرێت.

 

لێدوانی فەرمی: کارۆخ عەبدوڵڵا، نوێنەری مامۆستایانی گرێبەست بە ئاڤای ڕاگەیاند: "ئەمڕۆ دووشەممە شایستەی دارایی مانگی 7 و 8 ـی مامۆستایانی گرێبەست دابەش دەکرێت و وەزارەتی دارایی پێی ڕاگەیاندووین لە هەوڵداین ڕۆژی سێشەممە یاخود هەر لەم هەفتەیەدا مووچەی مانگی 10ی مامۆستایانی گرێبەست دابەش بکرێت."

 

ئەمەش بزانە: هەفتەی ڕابردوو شایستەی دارایی مانگی  7 و 8ـی مامۆستایانی گرێبەست لە سنووری سلێمانی دابەشکراوە، بەهۆی نەبوونی پارەی پێویست لە گەنجینەکان لەم هەفتەیە لە هەولێر و دهۆک دابەش دەکرێت، دوو شایستەی دارایی و مووچەی مانگێک بەیەکەوە وەردەگرن.