هەنگاوەکانی دابەشکردنی مووچەی مانگی 11 دەستپێدەکات

ئاڤا نیوز

 

هەنگاوەکانی دابەشکردنی مووچەی مانگی 11 کارا دەبن، شاندی وەزارەتی دارایی هەرێمی کوردستان لە بەغدان و چاوەڕێی ڕەزامەندی تەیف سامین، وەزیری دارایی و شاندی هەرێم تاوتوێی ناردنی 430 ملیار دیناری کورتهێنانی مووچە دەکەن، بۆ ئەوەی لیستی مووچەی مانگی 11 بڵاوبکرێتەوە.

 

وێنە گەورەکە: شاندی تەکنیکی وەزارەتی دارایی هەرێمی کوردستان لەگەڵ وەزیری دارایی حکومەتی فیدڕاڵی کۆدەبنەوە و لیستی مووچەی مانگی 12 و ڕاپۆرتی 11 مانگی خەرجی و میزان موراجەعە دەخەنە بەردەستی تەیف سامی، هەروەها وەرگرتنی ڕەزامەندی لەسەر خەرجکردنی 430 ملیار دینار و کورتهێنانی مانگی 11.

 

زانیاریی تایبەت: بەگوێرەی بەدواداچوونی ئاڤا کە لە بەڕێوەبەرایەتی خانەنشینی سلێمانی دەستیکەوتووە، لە بانکەکان داوای لیست و چەکی مانگی 11 کراوە، بۆ ئەوەی ئەگەر ئەمڕۆ وەزارەتی دارایی لیستی مووچە ڕابگەیێنێت ئامادەبێت و بەخێرایی دەست بە دابەشکردنی مووچە بکرێت.

 

ئەمەش بزانە: دوو ڕۆژ پێش دابەشکردنی مووچەی هەر مانگێک بەڕێوەبەرایەتییەکان لیست و چەک بۆ بانکەکان دەگەڕێننەوە، بۆ ئەوەی دواتر دەست بە دابەشكردنی مووچە بکرێت.