ئۆکسفۆرد "کەللەپووت" وەک وشەی ساڵ هەڵدەبژێرێت

ئاڤا نیوز

 

زانکۆی ئۆکسفۆرد ساڵانە وشەیەک بە وشەی زۆر بەکارهاتووی ساڵ هەڵدەبژێرێت و ئەمساڵیش وشەی ' کەللەپووت'ی وەکو وشەی ساڵ هەڵبژاردووە. 

 

وێنە گەورەکە: زانکۆی ئۆکسفۆرد ساڵانە چەند وشە و دەستەواژەیەکی زۆر بەکارهاتوو دەخاتە دەنگدانەوە و یەکێکیان وەکو وشەی ساڵ دیاریدەکات کە زۆرترین بەکارهێنانی هەبووە. 

 

زانیاریی زیاتر: ئەمساڵ وشەی کەللەپووت Brain rot  لەلایەن 37 هەزار کەسەوە لە فەرهەنگی ئۆکسفۆرد هەڵبژێردراوە بۆ ئەوەی ببێتە وشەی ساڵی 2024.

 

ئەوەی پێویستە بیزانیت: کەللەپووت  Brain rot، بریتییە لە گەنینی دۆخی مێشک و بیرکردنەوەی کەسێک کە کاتێکی زۆری لە سەیرکردنی کورتە ڤیدیۆکان بەفیڕۆداوە کە زۆرینەیان بابەتی ناپێویست و لاوەکی و ئاست نزمبوون و هیچ ناوەڕۆکێکی سوودبەخشیان تێدا نەبووە. 

 

باکگراوند:  وشەی Brain rot بۆ یەکەم جار لە کتێبی وەڵدن بەکارهاتووە، لە ساڵی 1854 لەلایەن هێنری دەیڤد ثۆریۆ کە ئەزموونی ژیانی خۆی لەو کتێبەدا دەگێڕێتەوە.