زانیاریی نوێ لەبارەی ناردنی مووچەی مانگی 11 و 12ی فەرمانبەران لەلایەن بەغداوە

ئاڤا نیوز 

 

بە ئامادەبوونی تەیف سامی، وەزیری دارایی عێراق، ئەنجوومەنی وەزیران کۆبوونەوەی هەفتانەی خۆی ئەنجامداوە و تیایدا هیچ بڕیارێک لەبارەی ناردنی تەواوکاری مووچەی مانگی 11 و12ی فەرمانبەرانی کوردستان نەدراوە و تاوتوێ نەکراوە. 

 

وێنە گەورەکە: ماوەی دوو ڕۆژە شاندیێکی تەکینکی هەرێمی کوردستان لەبارەی پرسی مووچە لە بە‌غدایە، چاوەڕێی ڕەزامەندی تەیف سامی، وەزیری دارایی و حکومەتی عێراقن بۆ ڕەزامەندیدان لەسەر خەرجکردنی پارە و ناردنی و بڕیاربوو ئەمڕۆ لە کۆبوونەوەی ئەنجوومەنی وەزیران دەنگی لەسەر بدرێت. 

 

زانیاریی بەدەستهاتوو:  لە کۆبوونەوەی ئەنجوومەنی وەزیران هیچ بڕیارێک لەبارەی خەرجکردنی پارە بۆ مووچەی فەرمانبەرانی کوردستان نەدراوە، تەنانەت هیچ پرۆسەیەکی دەنگدانیش لەسەر موووچە نەکراوە.

 

ئەوەش بزانە:  تەیف سامی داوای لە سوودانی کردووە ڕەزامەندی بۆ خەرجکردنی پارە دەرببڕێت، بەڵام تاوەکو ئێستا دیارنییە چ بڕیارێکی داوە یان چ بڕیارێک ئەدات.

لەلایەکی دیکەوە: ئەنجوومەنی وەزیرانی عێراقیش کەمێک پێش ئێستا ڕاگەیێنراوێکی لەبارەی ناوەڕۆکی کۆبوونەوەکە بڵاوکردەوە، بەڵام باسی مووچەی تێدا نییە.