کەسێک بەتۆمەتی دزینی قەل و قاز دەستگیر دەکرێت

ئاڤا نیوز 

 

پۆلیسی چەمچەماڵ لەسەر سکاڵای هاونیشتمانییان کەسێکیان دەستگیرکرد کە تۆمەتبارە بە دزینی چەندین قەل و قاز، لەکاتی دەستگیرکردنیشیدا ژمارەیەک قەل و قاز دەستی بەسەرداگیراوە.

 

وێنە گەورەکە: زیاتر لە 20 هاونیشتمانی سکاڵایان لای پۆلیسی چەمچەماڵ کردووە کە کەسێک قەل و قازەکانیان دەبات، هێزەکانی پۆلیس لێکۆڵینەوە و بەدواداچوونەکانیان دەستپێکردووە و  کەسێکیان بەو تۆمەتە دەستگیرکردووە، هاوکات دەستبەسەر ژمارەیەک قەل و قازیشدا گیراوە.

 

ڕاگەیێنراوی فەرمی: بەڕێوەبەرایەتیی پۆلیسی سلێمانی ڕایگەیاند: نووسینگەی نەهێشتنی تاوانی چەمچەماڵ بەسوود وەرگرتن لە كامێراكانی چاودێری، توانییان تۆمەتبارێک لەسەر دزینی قەل و قاز دەستگیربکەن، هاوکات دەستبەسەر چەندین قەل و قازیشدا گیراوە.

 

ئەمەش بزانە: تۆمەتبارەکە لە دایکبووی ساڵی 1989یە، بەبڕیاری دادوەر و بەپێی ماددەی 443 لە یاسای سزادانی عێراقی ڕاگیراوە، لەکاتی لێکۆڵینەوەشدا دانی بەتاوانەكەیدا ناوە.