پۆلیسی هەولێر ژنە سیحربازێک دەستگیر دەکات

ئاڤا نیوز 

 

 پۆلیسی هەولێر، تۆمەتبارێکی ژنی دەستگیر کردووە کە هەڵساوە بە ئەنجامدانی سیحر و جادوو و فاڵگرتنەوە هەڵخەڵەتاندنی خەڵک.

 

ڕاگەیێنراوی فەرمی: بەڕێوەبەرایەتیی پۆلیسی پارێزگای هەولێر، تۆمەتبارێکی ژنی بە ناوی (ک. ا. م) لەدایکبووی 1987 دەستگیر کرد، هەڵساوە بە ئەنجامدانی سیحر، جادوو، فاڵگرتنەوە و چەندین کاری تری نەشیاو کە سەدان کەسی هەڵخەڵەتاندووە.

 

زانیاریی زیاتر: تۆمەتبارەکە دانیشتووی شاری هەولێرە، لەپێناو بەرژەوەندیی دارایی ئەو کارانەی کردووە، بەبێ گوێدانە لایەنی کۆمەڵایەتی و تێکدانی شیرازەی خێزان، کە پارەکانیشی زیاتر لە ڕێگای کارتی بانکییەوە وەرگرتووە، ئەمە بە گوتەی پۆلیس.

 

ئەوەی پێویستە بیزانیت: ئەم کارانە لە ڕووی یاساییەوە قەدەغەکراون و هەر کەسێک کاری لەم شێوەیە ئەنجام بدات، ڕووبەڕووی یاسا دەکرێتەوە.