دۆسیەی شازادە هاری یەکلادەکرێتەوە

ئاڤا نیوز

شازادە هاری ئەمڕۆ بۆی دەردەكەوێت، كە ئایا دۆسیەكەی لە دژی حكومەتی بەریتانیا سەركەوتنی بەدەستهێناوە یاخود نا، دوای ئەوەی ڕێگرییە ئەمنییەكان لەبەردەم هاری لابران، كە بەهۆی وازهێنان لە ئەركە شاهانەییەكان بەسەریدا سەپێنرابوو.

چیرۆكی سەرەكی: بچووكترین كوڕی شا چارڵس، دوای ئەوەی بۆ ماوەی چوار ساڵ  وڵاتەكەی جێهێشت و لە ئەمریكا نیشتەجێبوو، لە مانگی ڕابردوودا لە دانیشتنی دادگای باڵای لەندەن ڕایگەیاندبوو، دەزگا ئەمنییەكان ڕێگری لە گەڕانەوەی بۆ بەریتانیا دەكەن.

بۆچی گرنگە: دوای سكاڵایەكی هاری لە دژی حكومەتی بەریتانیا، ئەمڕۆ پیتەر لەین دادوەری دادگای باڵا ئەمرۆ بڕیاردەدات كە شازادە هاری دەتوانێت بگەڕێتەوە بەریتانیا یاخود نا.

 لێدوانی فەرمی: پارێزەرەكەی شازادە هاری گوتی : شازادە لە دادگا گوتویەتی "بەریتانیا ماڵی منە و ناوەندی میراتی منداڵەكانمە".

 ئەوەی پێویستە بیزانیت: هاری یەكێكە لەو حەوت كەسە ناودارەی  بەهۆی تۆمەتەكانی كۆكردنەوەی زانیاری نایاسایی، ڕێكاری یاسایی لە دژی  ڕۆژنامەی دەیلی مەیل تۆماركردووە. ئەمەش دوای بڵاوبوونەوەی بابەتێك سەبارەت بە شەڕە یاساییەكانی لەگەڵ حكومەتی بەریتانیا.

باكگراوند:  شازادە  هاری لەساڵی 2020 لەگەڵ مێگانی هاوژینی  بەریتانیای جێهێشت و لە كالیفۆڕنیای ئەمریكا نیشتەجێبوو.