ئاڤا بەدواداچوون بۆ کێشەی بەشێک لە پێشمەرگەکانی لیوا هاوبەشەکان دەکات

ئاڤا نیوز

 

بەهۆی پێنەدانی مووچەکانیان کە بڕیار بوو ئەمڕۆ دابەش بکرێت، بەشێک  لە پێشمەرگەکانی سەر بە لیوا هاوبەشەکان لەبەردەم باڵەخانەی قایمقامیەتی چەمچەماڵ گردبوونەوە و ناڕەزایەتییان دەربڕی.

 

وێنە گەورەکە: ئەمڕۆ چوارشەممە 25-12-2024 بڕیار بوو مووچەی بەشێک لە پێشمەرگەکانی سەر بە لیوا هاوبەشەکان دابەش بکرێت، بەڵام بەهۆی پشووەوە دابەش نەکرا، بەهۆیەوە ناڕەزایەتی لێکەوتەوە.

 

لێدوانی فەرمی: ڕەمک ڕەمەزان، قایمقامی چەمچەماڵ بە ئاڤا میدیای ڕاگەیاند: ئەمڕۆ پێشمەرگەکانی سەر بە لیوا هاوبەشەکان ئاگادار کراونەتەوە کە مووچەیان پێ دەدرێت، بەڵام بەهۆی پشووەوە دەرگای بانکەکان نەکراونەتەوە، ئەمەش بووەتە هۆکاری ئەوەی کە پێشمەرگەکان لەبەردەم قایمقامیەتی چەمچەماڵ گردببنەوە و ناڕەزایەتی دەرببڕن.

 

قایمقامی چەمچەماڵ ئەوەشت گوت: "بۆ چارەسەرکردنی کێشەکەیان، پەیوەندیم بە بانکەکانی سلێمانی کرد، وەڵامی ئەوان ئەوە بوو کە فەرمانی کردنەوەی بانک دەبێت  وەزیر و وەزارەتی دارایی بیدەن، بەڵام ئەوانیش لە پشوودان، هەر کاتێک فەرمانی کردنەوە بدەن، مووچە دابەش دەکەن، چونکە پارە لە بانک هەیە.

 

ئەوەی پێویستە بیزانیت: لە قەزای چەمچەماڵ تەنیا بانکی چەرمۆ و چەمچەماڵ هەن کە لە هەر بانکێک زیاتر لە 15 هەزار مووچەخۆر هەیە، هەروەها زیاتر لە شەش هەزاریان کەسوکاری شەهید و ئەنفالکراو و زیندانیانی سیاسی لە قەزای چەمچەماڵ مووچە وەردەگرن.