لە تەرتووس 24 ئەندامی هێزە ئەمنییەکانی سووریا کوژران و برینداربوون

 

ئاڤا نیوز 

 

 

وەزارەتی ناوخۆی سووریا کوژران و برینداربوونی 24 لە ئەندامانی هێزە ئەمنییەکانی لە بۆسەیەکی پاشماوەکانی ئەسەد لە تەرتووس ڕادەگەیێنێت.

 

وێنە گەورەکە:  بڵاوبوونەوەی گرتەڤیدیۆی سووتاندنی مەزارگەیەک، عەلەوییەکانی تووڕە کردووە و هاتوونەتە سەرشەقام و خۆپێشاندان دەکەن، بەهۆیەوە شەڕ و ڕووبەڕووبوونەوە لەنێوان خۆپێشاندەران و هێزی نوێی سووریا ڕووی دا. 

 

 

 

لێدوانی فەرمی: محەممەد عەبدولڕەحمان، وەزیری ناوخۆی حکومەتی کاتی سووریا ڕایگەیاند: هێزەکانمان لە کاتی بەجێهێنانی ئەرکەکانیان بۆ پاراستنی ئاسایش و سەلامەتی هاووڵاتیان لە دەوروبەری پارێزگای تەرتووس، کەوتنە بۆسەیەکی پاشماوەکانی ڕژێمی تاوانکار و بەهۆیەوە 14 چەکدارمان لێ کوژران و 10ـی دیکەش برینداربوون.

 

لەلایەکی دیکەوە: پێش ئەو لێدوانەی وەزیری ناوخۆ، وەزارەتی ناوخۆی سووریا کوژران و دوو ئەندامی هێزە ئەمنییەکان و برینداربوونی چواری دیکەی لە پێکدادانێکدا لە تەرتووس ڕاگەیاند لە پاشخانی خۆێشاندانەکان دژ بە سووتاندنی مەزارگەیەکی عەلەوییەکان لە حەلەب.

 

ئەوەی پێویستە بیزانیت: تەرتووس، دەکەوێتە سەر دەریای ناوەڕاست، زۆرینەی دانیشتووانەکەی سەر بە مەزهەبی عەلەوین، کە بەشار ئەسەدی سەرۆکی لەکارلادراوی سووریا سەر بەو مەزهەبەیە.

 

گۆشەیەکی دیکەی دیمەنەکە: وەزیری ڕاگەیاندنی حکومەتی نوێی سووریا هۆشداری لە هەبوونی "دەستێکی شاراوە"ـدا کە هەوڵی وروژاندنی ململانێی ناوخۆیی دەدات و ئاماژەی بەوە کرد بڵاوبوونەوەی گرتە ڤیدیۆیەک کە تێیدا مەزارگەیەکی ئایینی لە شاری حەلەب دەسووتێنرێت، کۆنە و هیچ ڕووداوێکی هاوشێوە لە دوای ڕووخانی ڕژێمەوە تۆمار نەکراوە.