پارەی کارمەندانی کۆمیسیۆن دەگواسترێتەوە بانکەکانی هەرێمی کوردستان

 

ئاڤا نیوز 

 

 

دوای دوو مانگ لە بەڕێوەچوونی هەڵبژاردنی خولی شەشەمی پەرلەمانی کوردستان، سەرەتای هەفتەی داهاتوو پارەی کارمەندانی کۆمیسیۆن بۆ بانکەکانی هەرێمی کوردستان دەگواسترێتەوە و دەست بە دابەشکردنی دەکرێت.

 

وێنە گەورەکە: لە هەڵبژاردنی خولی شەشەمی پەرلەمانی كوردستان کە لەلایەن کۆمیسیۆنی هەڵبژاردنەکانی عێراق سەرپەرشتی کرا، 42 هەزار كەس وەک كارمەند لەسەر سندووقەكانی دەنگدان بوون، كۆمیسیۆن 150 بۆ 250 هەزار دیناریان بۆ خەرج دەکات.

 

لێدوانی فەرمی: جومانە غەلای، گوتەبێژی کۆمیسیۆنی هەڵبژاردنەکانی عێراق بە ئاڤای گوت: ڕۆژی یەکشەممە پارەکە دەگوازرێتەوە سەر هەژماری بانکەکانی هەرێمی کوردستان، ئۆفیسی هەر پارێزگایەک بە جیا پارەکە وەردەگرێت و بەسەر کارمەندانی کۆمیسیۆن دابەشی دەکات.

 

لەلایەکی دیکەوە: نەبەرد عومەر، سەرۆکی دەستەی هەڵبژاردنەکانی هەرێمی کوردستان بۆ ئاڤا ڕایگەیاند: بەهۆی پشووەوە دابەشکردنیپارەی کۆمیسیۆن دەکەوێتە ساڵی نوێ. 

 

ئەمەش بزانە: كۆمیسیۆن 150 هەزار دینار بۆ ئەو کارمەندانە خەرج دەکات کە کارمەندی حکومەتن، 250 هەزار دینار بۆ دەرچووانی زانکۆ و پەیمانگەکان، کارمەندە یەدەگەکانیش لەنێوان 50 بۆ 100 هەزار دینار وەردەگرن.