یەكگرتووی ئیسلامیی كوردستان نۆیەمین كۆنگرە دەبەستێت

ئاڤا نیوز 

 

یەكگرتووی ئیسلامیی كوردستان بە بەشداریی 800 ئەندام، سبەی هەینی لە شاری هەولێر نۆیەمین كۆنگرەی خۆی دەبەستێت.

 

زانیاریی بەدەستهاتوو: لە چەند ڕۆژی ڕابردوودا یەكگرتووی ئیسلامیی كوردستان كۆنفڕانسی بازنەكانی هەولێر و سلێمانی و هەڵەبجە و بادینانی کرد کە ئەمە بەشێك بوو لە ئامادەكارییەکانی بەڕێوەچوونی كۆنگرە، وا بڕیارە سبەی هەینی 27-12-2024، لە هەولێر نۆیەمین كۆنگرەی ئاسایی خۆی گرێبدات.

 

زانیاریی زیاتر: لە کۆنگرەی نۆیەمی یەکگرتووی ئیسلامیی کوردستاندا 800 ئەندام بەشداری دەکەن، کۆنگرەکە ماوەی دوو ڕۆژ دەخایەنێت و تێیدا ئەندامانی سەركردایەتی و ئەنجوومەنی جێبەجێکردن (مەکتەبی سیاسی) و ئەمینداری گشتیی حیزبەكە هەڵدەبژێردرێن.

 

باكگراوند: یەكگرتووی ئیسلامیی كوردستان لە 06-02-1994 دامەزراوە و تاوەكو ئێستا هەشت كۆنگرەی گرێداوە، دوایین کۆنگرەیان لە ڕۆژانی 28 و 29ـی 11ـی ساڵی 2019 بەڕێوەچوو، تێیدا سەڵاحەدین محەممەد بەهائەدین بە ئەمینداری گشتیی حیزبەکە هەڵبژێردرایەوە.