كۆنگرەی نۆیەمی یەكگرتووی ئیسلامیی كوردستان دەستی پێکرد

ئاڤا نیوز

 

بە بەشداریی 851 ئەندام، كۆنگرەی نۆیەمی یەكگرتووی ئیسلامی كوردستان لە شاری هەولێر دەستی بە كارەكانی كرد.

 

زانیاریی بەدەستهاتوو: كاتژمێر 10ی سەرلەبەیانیی ئەمڕۆ، کۆنگرەی یەكگرتووی ئیسلامی كوردستان لە شاری هەولێر، لەژێر دروشمی "بەرەو ئایندەیەكی گەشتر" دەستی بە كارەكانی كرد، کۆنگرەکە دوو ڕۆژ دەخایەنێت و  تێیدا ئەندامانی سەركردایەتی و ئەنجوومەنی جێبەجێکردن (مەکتەبی سیاسی) و ئەمینداری گشتیی حیزبەكە هەڵدەبژێردرێن.

 

باكگراوند: یەكگرتووی ئیسلامیی كوردستان لە  06-02-1994، دامەزراوە و تاوەكو ئێستا هەشت كۆنگرەی گرێداوە، دوایین کۆنگرەیان لە ڕۆژانی 28 و 29ـی 11ـی ساڵی 2019 بەڕێوەچوو، تێیدا سەڵاحەدین محەممەد بەهائەدین بە ئەمینداری گشتیی حیزبەکە هەڵبژێردرایەوە.