ئەمساڵ زیاتر لە 10 هەزار کەس لە ڕێگەی کۆچکردن بۆ ئیسپانیا گیانیان لەدەستداوە

ئاڤا نیوز

 

بە گوێرەی ڕاپۆرتی دەستەی مافەی کۆچبەری لە ئیسپانیا، لە ساڵی 2024 زیاتر لە 10 هەزار کەس لە ڕێگەی هەوڵدان بۆ کۆچکردنی نایاسایی بۆ ئیسپانیا لە ڕێگەی دەریاوە گیانیان لەدەستداوە.

 

زانیاریی زیاتر: لە کۆی 10 هەزار و 457 کەس کە تا 15ـی دیسێمبەری ئەمساڵ گیانیان لەدەستداوە، نۆ هەزار و 757 کەسیان لە ڕێگەی زەریای ئەتڵەسییەوە هەوڵی پەڕینەوەیان لە ئەفریقاوە بۆ ئیسپانیا داوە. لە ناو ئەم کەسانەدا، هەزار و 538 منداڵ و 421 ژن هەن.

 

ئەوەی پێویستە بیزانیت: ژمارەی گیانلەدەستدانی کۆچبەران بەراورد بە ساڵی ڕابردوو بە ڕێژەی 58٪ زیادی کردووە. هاوکات زۆرترینی قوربانییەکان لە مانگەکانی نیسان و ئایاری ئەمساڵدا بوون. 

 

لەلایەکی دیکەوە: 700 کۆچبەر لە ڕێگەکانی دەریای ناوەڕاست گیانیان لەدەستداوە و دوو هەزار و 273 کەسیش هەر لەم ڕێگایەدا بێسەروشوێن بوون.