بەرپرسێکی پارتی: پارتی بەشێكی گرنگە لەو گۆڕانكارییانەی لەناوچەكە ڕوودەدەن

ئاڤا نیوز

 

بەرپرسێكی پارتی دیموكراتی كوردستان ئاماژە بەوە دەكات، حیزبەكەی بەشێكە لەو گۆڕانكارییانەی لە ناوچەكە ڕوودەدات، هەروەها كار دەكات بۆ زامنكردنی مافی گەلی كورد لەو گۆڕانكارییانە لەپێناو هێنانەدی سەقامگیری.

 

لێدوانی فەرمی: كرمانج عیزەت، بەرپرسی لقی 26ـی پارتی، لە لێدوانێكی بۆ ماڵپەڕی فەرمی حیزبەكەی ڕایگەیاندووە، پارتی هەمیشە پلانی بۆ هەموو ڕووداوێك و پێشهاتێك هەبووە، مەبەستیەتی ڕۆڵی گەورەی هەبێت لە ڕووداوە خێراكانی ناوچەكە.

 

ئەو بەرپرسەی پارتی دەڵێت، حیزبەكەی هەموو هەوڵێك دەدات كورد لەو گۆڕانكارییانە سوودمەند بێت، ئەوەش لەڕێگەی یەكخستنی ڕیزەكانی كورد و بەرەوپێشبردنی دۆزی ڕەوای گەلەكەی.

 

بۆچی گرنگە: گۆڕانكارییەكانی ناوچەكە وا دەڵێن كە ئاسۆیەكی گەش بۆ ئاییندەی گەلی كورد دەركەوتووە، پێویستی بە پلانێكی تۆكمە هەیە كە جیاواز بێت لە ئەزموونەكانی پێشوو، پارتی وەك گەورەترین هێزی سیاسی كوردستان و عێراق بەرپرسیاریێتی گەورەتری لەسەر شانە بۆئەوەی ڕۆڵی هەبێت لە داڕشتنی ئاییندەی هاوكێشەكان.