سەرۆکی ئەڵمانیا پەرلەمانی وڵاتەکەی هەڵدەوەشێنێتەوە

ئاڤا نیوز

فرانک واڵتەر شتاینمەر، سەرۆکی ئەڵمانیا پەرلەمانی وڵاتەکەی هەڵوەشاندەوە و ڕۆژی 23ـی شوباتی داهاتووی وەک ڕۆژی بەڕێوەچوونی هەڵبژاردن دەستنیشان کرد.

 
لێدوانی فەرمی: فرانک شتاینمەر ڕایگەیاند، وڵات پێویستی بە "سەقامگیریی سیاسی" هەیە و داوایکرد کەمپەینی هەڵبژاردنەکان بە "بەڕێزی و ڕەوشتبەرزی" و بە سوودوەرگرین لە هۆکارەکانی "دادپەروەری و شەفافییەت" بەڕێوە بچێت. ئەو هەروەها سەبارەت بە "دەستتێوەردانی دەرەکی" هۆشداری دا.

 
زانیاریی زیاتر: ئەمە دوای ئەوە دێت کە پەرلەمان متمانەی لە حکومەتەکەی ئۆڵاف شۆڵز، ڕاوێژکاری ئەڵمانیا سەندەوە و حکومەت هەڵوەشایەوە.

 

هۆکارە زانراوەکان: حکومەتە هاوپەیمانییەکەی شۆڵز لەبەر ناکۆکییە ناوخۆییەکانی سەبارەت بە پرسی بوژاندنەوەی ئابووری ئەو وڵاتە هەڵوەشایەوە. ئەمە سەرەڕای ئەو ناکۆکییانەی کە سەبارەت بە پرسەکانی ئاسایش و کۆچبەران لە ناو لایەنەکاندا هەبوون.