کۆشکی سپی: ڕووسیا فڕۆکەکەی ئازربایجانی خستووەتەخوارەوە

ئاڤا نیوز

ئەمریکا کەوتنەخوارەوەی فڕۆکە نەفەر هەڵگرەکەی ئازربایجان دەخاتە ئەستۆی ڕووسیا. 

 

وێنە گەورەکە: چەند ڕۆژێکە ڕووداوی کەوتنە خوارەوەی فڕۆکەیەکی نەفەر هەڵگری مەدەنی ئازەربایجان بووەتە بابەتی گەرم، لە یەکەم ڕۆژەوە پەنجەی تۆمەت بۆ ڕووسیا درێژ دەکرێت.

 

چیرۆکی سەرەکی: فڕۆکەکە ناوی ئیمبرایر 190ی هێڵی ئاسمانی ئازربایجان بوو، لەم ڕووداوە نزیکەی 40 کەس لەسەرنشینانی فڕۆکەکە گیانیان لەدەستدا.

 

لێدوانی فەرمی: جۆن کیربی، وتەبێژی ئەنجوومەنی ئاسایشی نیشتمانی کۆشکی سپی ڕایگەیاند، هەندێک ئاماژەی سەرەتایی دڵنیایی دەدەن کە ئەو فڕۆکەیە لەلایەن سیستەمی بەرگری ئاسمانی ڕووسیاوە خراوەتە خوارەوە.

 

بۆچوونی لایەنی بەرامبەر: دوای 48 کاتژمێر لە رووداوەکە دیمتری یادرۆف، سەرۆکی دەستەی فڕۆکەوانی ڕووسیا ڕایگەیاند، ئەو کاتەی فڕۆکەکەی ئازربایجان لە کازاخستان کەوت، ئۆکراینا بە درۆن هێرشی دەکردە سەر دامەزراوە مەدەنییەکان، دووجار فڕۆکەوانەکە ویستویەتی لە چیچان بنیشێتەوە، بەڵام کەشوهەوای ئەو وڵاتە لەبار نەبووە.