ترەمپ داوای ڕاگرتنی بڕیاری قەدەغەکردنی تیکتۆک دەکات

ئاڤا نیوز

ترەمپ ڕوونی کردووەتەوە کە ئیدارەکەی ئەو دەتوانێت چارەسەرێکی سیاسی بۆ ئەم پرسە بدۆزێتەوە.

 

وێنە گەورەکە: مشتومڕەکان لە ئەمریکا بۆ قەدەغەکردنی تیکتۆک بەردەوامە و پێشتریش وەزارەتی داد داوایکردبوو خاوەنداریەتی تیکتۆک لە چینەوە بگۆڕدرێت و کەسێکی دیکە بیکڕێت.

 

لێدوانی فەرمی: دۆناڵد ترەمپ، سەرۆکی هەڵبژێردراوی ئەمریکا، داوای لە دادگای باڵای ئەمریکا کردووە بڕیاری قەدەغەی کارکردنی تیکتۆک ڕابگرێت و ڕێگربێت لەوەی بچێتە بواری جێبەجیکردنەوە.

 

زانیاریی زیاتر: ئەم داوایەی ترەمپ دوای ئەوە دێت کە ئیدارەی بایدن لە دادگا لە دژی تیکتۆک داوایەکی تۆمار کرد، بە گوێرەی بڕیاری دادگا ئەگەری هەیە تا 19ـی کانوونی دووەم تیکتۆک لە ئەمریکا دابخرێت ئەگەر مەرجەکانی ئیدارەی بایدن، تایبەت بە گواستنەوەی خاوەندارێتیی تیکتۆک، جێبەجێ نەکات. 

ئەمەش بزانە: هەفتەی ڕابردوو ترەمپ لەگەڵ 'شۆو چێو'، بەڕێوەبەری جێبەجێکاری تیکتۆک، کۆبووبوویەوە.