کارتی زانیاریی گۆڕانکاری بەسەردا دێت و هەرێمی کوردستانیش دەگرێتەوە

ئاڤا نیوز

 

42 ملیۆن و 10 هەزار کارتی نیشتمانی لە عێراق دەرهێنراون و سەرەتای ساڵی نوێش کارتی زانیاریی دەبێتە ئەلیکترۆنی و بە کارتی نیشمانییەوە دەبەسترێتەوە.

 

لێدوانی فەرمی: عەمید میقداد میری، وتەبێژی وەزارەتی ناوخۆی عێراق رایگەیاند: تائێستا 42 ملیۆن و 10 هەزار کارتی نیشتمانی دەرهێنراون. هەروەها 93٪ـی عێراقییەکان لە کارتی نیشتمانی تۆمارکراون.

 

بە گوتەی عەمید میقداد 38 فەرمانگە لە ناوخۆی عێراق و 7 ناوەند لە دەرەوەی وڵات هەیە، بڕیاریشە چەندین ناوەندی دیکە لە دەرەوەی وڵات بکرێنەوە. گوتەبێژی وەزارەتی ناوخۆی عێراق ئاماژە بۆ ئەوە دەکات یەک ملیۆن و 600 کارتی نیشتمانی ڕەنگاوڕەنگ دەرهێنراون.

 

زانیاریی زیاتر: لە سەرەتای ساڵی 2025ـەوە کارتی زانیاریی دەبێتە ئەلیکترۆنی و بە کارتی نیشتمانییەوە دەبەسترێتەوە،  ئەو کارتە دەبێتە جێگرەوەی بەڵگەنامەکانی (ڕەگەزنامە و ناسنامەی باری شارستانی )، 20 نهێنی كەسی هەر تاکێک لەخۆدەگرێت و‌ ساختەكردنی ئەستەمە.