یاریزانانی کاراتی خورماڵ 70 مەدالیای زێڕ و زیویان لە تاران بەدەستهێنا

ئاڤا نیوز

 

یاریزانانی ئەکادیمیای کاراتی خورماڵ لەسەر ئاستی کوڕان و کچان، لەسەر ئەرکی خۆیان بەشدارییان لە پاڵەوانێتییەکی ئێران کرد و زیاتر لە 70 خەڵاتییان بەدەستهێنا، دوای سەرکەوتنەکانیشیان ئاڵای کوردستانیان لە ناوەندی تاران بەرزکردەوە.

 

چیرۆکی سەرەکی: ئەکادیمیای کاراتی یانەی وەرزشی خورماڵ وەک نوێنەری هەرێمی کوردستان، بەشدارییان لە 19ـەهەمین پاڵەوانێتیی (ئێران زەمین) و WORLD CUP کرد کە لە تارانی پایتەختی ئێران بەڕێوەچوو، توانییان زیاتر لە 70 مەدالیا لەسەر ئاستی کوڕان و کچان بۆ کێشی جیاواز بەدەستبهێنن.

 

لێدوانی فەرمی: سۆران زاهیر، ڕاهێنەری کاراتی و سەرپەشتیاری ئەکادیمیاکە بە ئاڤا میدیای ڕاگەیاند: پاڵەوانێتییەکان بۆ پێشکەوتنی یاریزانەکانمان گرنگن، دەبێت بەشداری لە پاڵەوانێتییەکانی دەرەوە بکەین بۆئەوەی چاوکراوەبن، لێهاتوویی زیاتر بەدەستبهێنن و ببنە خاوەنی بڕوانامەی تایبەت.

 

زانیاریی زیاتر: یاریزانانی ئەکادیمیاکە لە کێشی جیاواز بەشدارییان لە دوو پاڵەوانێتییەکە کرد، 70 مەدالیای زێڕ و زیو و بڕۆنزییان لە پلەکانی یەکەم و دووەم و سێهەمی پاڵەوانێتییەکە بەدەستهێنا.