سەرۆکی نوێی جۆرجیا سوێندی یاسایی دەخوات و سەرۆکی پێشووش دەسەڵات ڕادەست ناکات

ئاڤ نیوز

 

کێشەیەکی سیاسیی قوڵ بەرۆکی جۆرجیای گرتووە؛ سەرۆکی نوێ سوێندی یاسایی خوارد، بەڵام سەرۆکی پێشووی ئەو وڵاتە ڕەتیدەکاتەوە دەسەڵات ڕادەست بکات و دەڵێت، "دەبێت هەڵبژاردن دووبارە بکرێتەوە".

 

چیرۆکی سەرەکی: هەڵبژاردنی سەرۆکایەتیی جۆرجیا لە ئۆکتۆبەری ئەمساڵدا بەڕێوەچوو، کاندیدی پارتی "خەونـی جۆرجیا" میخائیل کاڤێلاشڤیلی توانی سەرکەوتن بەدەستبهێنێت، بەڵام ئێستا سالۆم زورابیچڤیلی سەرۆکی پێشووی وڵاتەکە و لایەنگرانی ئەم هەڵبژاردنەکە "بە نایاسایی دەزانن" و داوای دووبارەکردنەوەی دەکەن.

 

لێدوانی فەرمی: ئەمڕۆ میخائیل کاڤێلاشڤیلی دوای سوێند خواردنی یاسایی وەک سەرۆکی نوێی جۆرجیا ڕایگەیاند، "ئاشتی یەکێکە لە بەها سەرەکییەکان بۆ گەلی جۆرجیا".

 

لەلایەکی دیکەوە: سالۆم زورابیچڤیلی، سەرۆکی پێشووی جۆرجیا، پێشتر ئاماژەیی بەوەکردبوو کە هەڵبژاردنی سەرۆکایەتی یاسایی نییە و ئێستاش دووپاتیدەکاتەوە کە پۆستەکەی بەجێناهێڵێت و دەڵێت "من وەک تاکە سەرۆکی شەرعیی جۆرجیا دەمێنمەوە''.  
 
باکگراوند: میخائیل کاڤێلاشڤیلی تەمەن 53 ساڵ پێشتر یاریزانی تۆپی پێ بووە و لە ساڵانی 1990 یاری بۆ یانەی مانچستەر سیتی ئینگلیزی کردووە.