شەقامێکی دووساید لەنێوان جەلەولا و کفری و خورماتوو دروست دەکرێت

ئاڤا نیوز

 

بە بڕیاری سەرۆکوەزیرانی عێراق، شەقامێکی دووساید لە نێوان جەلەولا و کفری و خوورماتوو دروست دەکرێت.

 

وێنە گەورەکە: بەهۆی خراپی ڕێگای نێوان کفری – خورماتوو ساڵانە چەندین ڕووداوی هاتووچۆ لەو ڕێگایە ڕوودەدات و چەندین هاووڵاتی بوونەتە قوربانی، هەریەکە لە پارێزگای سەڵاحەددین و دیالە چەند جارێک باسیان لە نۆژەنکردنەوەی شەقامەکە کردووە گرفتیان بۆ دروستبووە. 

 

لێدوانی فەرمی: سائیب عەلی، قائیمقامی خورماتوو، بە ئاڤا میدیای ڕاگەیاند: محەممەد شیاع سووانی، سەرۆکوەزیرانی عێراق بڕیاری دروستکردنی پڕۆژەی دووسایدی لە ناحیەی جەلەولا تاوەکو خورماتوو داوە، کە بەسێ قۆناغ جێبەجێ دەکرێت.

 

زانیاریی زیاتر: قۆناغی یەکەم دوو سایدەکە جەلەولا - کارێزە کە بە برایم سەمین ناسراوە، قۆناغی دووەم کارێز - کفرییە، قۆناغی سێیەم کفری - خورماتوو.

 

ئەوەی پێویستە بیزانیت: ئێستا تەنیا قۆناغی یەکەمی پڕۆژەکە تەواو کراوە، دوو قۆناغی ماوە، بەڵام کارکردن تێدا خاوە، قائیمقامی کفرە دەڵێت 'چەندین جار سەردانی بەغدامان کرد، بۆ ئەوەی جێبەجێکردنی پڕۆژەکە خێراتر بکرێت، ئەمەش بەدەستی وەزارەتی ئاوەدانکردنەوەی عێراقە، هەرچەندە بۆ ئەم مەبەستەش سەردانی وەزارەتەکەمان کرد، بەڵام وەزیری ئاوەدان کردنەوەمان نەدی، وتیان کۆبوونەوەی بۆ دروست بووە و ڕۆشتووە.

 

زانیاریی بەدەستهاتوو: 157 ملیار دینار بۆ جێبەجێکردنی پڕۆژەکە تەرخان کراوە.