هیندستان داوای وەچەخستنەوەی زیاتر لە هاوسەران دەکات

ئاڤا نیوز

 

هاوکات لەگەڵ ئەوەی وڵاتەکە لە کێبڕکێدایە لەگەڵ چین لە زۆری ژمارەی دانیشتووان، بەڵام حکومەتی هیندستان داوای منداڵ خستنەوەی زیاتر لە هاوسەران دەکات. 

 
وێنە گەورەکە: بە گوێرەی دواین ئاماری نەتەوە یەکگرتووەکان، ساڵی 2024 ژمارەی دانیشتووانی هیندستان گەیشتووەتە یەک ملیار و 450  ملیۆن کەس،  بەم ژمارەیەش پێش وڵاتی چین کەوتووەتەوە کە ژمارەی دانیشتووانی یەک ملیار و 419 و 321 هەزار کەسە. 

 

ڕاگەیێنراوی فەرمی: سەرکردەکانی هەردوو ویلایەتی باشووری هیندستان 'ئاندرە پرادێش و تامیل نادو' لەم دواییانەدا داوای زیادکردنی ژمارەی منداڵیان لە خێزانەکان کردووە، نیگەرانن لە کەمی ڕێژەی منداڵبوون و پیربوونی دانیشتووان، تەنانەت ویلایەتی ئاندرە پرادێش بیر لەوە دەکاتەوە کە هاندان پێشکەش بە خێزانەکان بکات بە ئامانجی وەچە خستنەوەی زیاتر.

 

زانیاریی زیاتر: بەگوێرەی ڕاپۆرتێکی نەتەوە یەکگرتووەکان  UNFPA، زیاتر لە 40%ی دانیشتووانی هیندستان لە شەستەکانی تەمەنیاندان کە بە ڕێژەیەکی بەرز هەژمار دەکرێت.

 

ئەوەی پێویستە بیزانیت: لە کۆی 29 ویلایەت و ناوچەی هیندستان، لە 17 ویلایەت ڕێژەی منداڵبوون بۆ خوار "ئاستی جێگرەوە" دابەزیوە. ئاستی جێگرەوە ئەو ئاستەیە کە ژمارەی لەدایکبوون زیاتر بێت لە ئاستی مردن، بۆ ئەوەی ژمارەی دانیشتووان بە جێگری بمێنێتەوە.