لە هەولێر بریکارێکی غاز فێڵ لە هاونیشتمانییان دەکات

ئاڤا نیوز

 

لە شاری هەولێر بریکارێکی غاز فێل لە هاونیشتمانییان دەکات و لەبری غاز ئاوی کردووتە بوتڵی غازی ماڵان و بە خەڵکی فرۆشتووە. لەبارەی ڕووداوەکەشەوە لایەنی پەیوەندیدار ئاگادار کراوەتەوە.

 

چیرۆکی سەرەکی: هاونیشتمانییەک لە گەڕەکی هەڤاڵانی هەولێر بوتڵێکی غازی لە بریکارێکی غاز کڕیوە کە غازی حکومی فرۆشتووە. هاونیشتمانییەکە دوای ئەوەی بوتڵەکە دەباتەوە ماڵەوە دەردەکەوێت داناگیرسێت و ئاگری نییە، دواتر دەردەکەوێت کە بوتڵە غازەکە ئاوی تیایە نەک غاز.

 

ئەوەی لەبارەیەوە دەگوترێت: ئومێد خۆشناو لەبارەی ڕووداوەکەوە ڕایگەیاند، دەست دەکەین بە لێکۆڵینەوە، هەرکەسێکیش کەمتەرخەم بووبێت لە ڕووداوەکە سزا دەدرێت 

 

ئەوەی پێویستە بیزانیت: لە ئێستادا فۆڕمێکی تایبەت لەلایەن قایمقامیەتی ناوەندیی هەولێرەوە ئامادەکراوە و بەسەر بەشێکی خێزانەکاندا دابەشکراوە، مانگانە هەر خێزانێک لە ڕێگەی فۆڕمەکەوە دوو بووتڵ غازی پێ دەدرێت، کە نرخەکەی دەگاتە هەشت هەزار و 500 دینار.