ساڵی 2024 بە گەرمترین ساڵی چین دەستنیشانکرا

ئاڤا نیوز

 

بەپێی زانیارییەکانی ئاژانسی کەشناسی چین، ساڵی 2024 بە گەرمترین ساڵ لە مێژووی وڵاتەکە دەستنیشانکراوە و تێکڕای پلەکانی گەرما  10.92 پلەی سەدی بووە.

 

ڕاگەیێنراوی فەرمی: ئاژانسی کەشناسیی چین ڕایگەیاند ساڵی ڕابردوو (2024) گەرمترین ساڵی ئەو وڵاتە بووە لەوەتەی پلەکانی گەرما پێوانە و تۆمار دەکرێن. هەروەها چوار ساڵی ڕابردوو گەرمترین ساڵ بوون لە مێژووی وڵاتی چین. 

 

زانیاریی زیاتر: مانگی تەممووزی ساڵی ڕابردوو لە چین  گەرمترین مانگ بووە، هەروەها گەرمترین مانگی ئاب و گەرمترین پاییزیشی بەخۆوە بینیوە. 

 

ئەوەی پێویستە بیزانیت: تێکڕای پلەکانی گەرما لە ساڵی 2024 لە چین 10.92 پلەی سەدی بووە، ئەمەش گەرمترین ئاستە لە ساڵی 1961ـەوە کە دامەزراوەی کەشناسیی چین پلەکانی گەرما تۆمار دەکات.

 

هۆکارە زانراوەکان: یەکێک لە هۆیەکانی بەرزبوونەوەی پلەکانی گەرما بۆ زۆربوونی دەردرانی گازە ژەهراوییەکان دەگەڕێتەوە، لەوانەش گازی دووانە ئۆکسیدی کاربۆن.