گرووپی پاڵپشتیی کورد لە کۆنگرێس بۆ سەرۆکوەزیران بارزانی: هەمیشە دەنگی کوردستان دەبین لە ئەمریکا

ئاڤا نیوز

 

هاوسەرۆکی گرووپی پاڵپشتیی کورد لە کۆنگرێسی ئەمریکا لە کۆبوونەوەی لەگەڵ سەرۆکوەزیران بارزانی جەختی کردەوە کە هەمیشە دەنگی کوردستان دەبێت لە ئەمریکا. 

 

وێنە گەورەکە: سەرۆکوەزیران بارزانی لە چوارچێوەی سەردانەکەی بۆ ئەمریکا بەردەوامە لە دیدار و کۆبوونەوەکانی لە واشنتن، هەر لەم چوارچێوەیەدا ڕۆژی پێنجشەممە 29-02-2024 لەگەڵ کۆنگرێسمان دۆن بەیکن هاوسەرۆکی گرووپی پاڵپشتیی کورد لە کۆنگرێسی ئەمریکا کۆبووەوە.

 
ڕاگەیێنراوی فەرمی: سەرۆکوەزیران بارزانی ڕێز و پێزانینی بۆ هەوڵ و کارکردنی گرووپی پاڵپشتیی کورد لە کۆنگرێس نیشان دا، هەروەها ئاماژەی بە گرنگیی دابینکردن و ڕێزگرتن لە مافی دەستووریی و قەوارەی هەرێمی کوردستان کرد. 

 

لەلایەکی دیکەوە: سێناتۆر دۆن بەیکن جەختی کردەوە کە ئەو هەمیشە دەنگی کوردستان دەبێت لە ئەمریکا و هەموو هەوڵێک بۆ پاراستنی ئاسایش و ئارامیی هەرێمی کوردستان دەدەن.