پێكەوەژیانی هەرێمی كوردستان لە پێشانگەیەكی شێوەكاری نمایش دەكرێت

ئاڤا نیوز

پێكەوەژیانی ئایینی و نەتەوەیی هەرێمی كوردستان لە پێشەنگەیەكی شێوەكاری نمایش دەكرێت كە سەرجەم تابلۆكان لەلایەن هونەرمەندانی نێوخۆیی نەخشێندراون.

 

وێنە گەورەكە: ڕۆژی 6-1-2025، وەزارەتی ئەوقاف و كاروباری ئایینیی حكومەتی هەرێمی كوردستان بە دروشمی (پێكەوەژیان هەوێنی تەباییە) پێشەنگەی شێوەكاریی پێكەوەژیانی ئایینی و نەتەوەیی دەکاتەوە.

 

لێدوانی فەرمی: سروود حاتەم، سەرپەرشتیاری گشتیی پێشانگەكە تایبەت بە ئاڤا میدیا ڕایگەیاند:

- پێشانگەكە لە گەلەری میدیا لە شاری هەولێر سازدەكرێت و تێیدا 60 تابلۆی ڕەنگاوڕەنگ كە گوزارشت لە ئەزموونی پێكەوەژیانی ئایینی و نەتەوەیی هەرێمی كوردستان دەكات، نمایش دەكرێت.

- ئەمە جاری یەكەمە پێشانگەیەکی هاوشێوە لە عێراق و كوردستان دەكرێتەوە.

 

زانیاریی زیاتر: پێشانگەكە بەچاودێری و سەرپەرشتی دكتۆر پشتیوان سادق، وەزیری ئەوقاف و كاروباری ئایینی حكومەتی هەرێمی كوردستان دەكرێتەوە و لیژنەی ڕێكخستنی هونەرمەندان بە كارەكە هەڵدەستێت.