ئێران بەهاوكاریی ڕووسیا دوو مانگی دەستكرد دەنێرێتە بۆشایی ئاسمان

ئاڤا نیوز

 

ئێران و ڕووسیا دەرگای گەشتی ئاسمانیی بەڕووی یەكتردا دەكەنەوە و دوو مانگی دەستكردی دروستكراوی ئێرانی بەهاوكاریی وێستگەی بۆشایی ئاسمانی ڕووسیا هەڵدەدرێن.

 

ڕاگەیێنراوی فەرمی: بەگوێرەی میدیا جیهانییەکان، ئێران بە سوود وەرگرتن لە وێستگەی ئاسمانیی ڕووسی 'سویز'، دوو مانگی دەستکردی بەناوەکانی 'کەوسەر' و 'هودهود' ئاراستەی بۆشایی ئاسمان کردووە، کە دروستکراوی ئێرانن.

 

زانیاریی زیاتر: مانگە دەستکردەکان بە ئامانجی لێکۆڵینەوە و بەدەستهێنانی زانیاریی ڕەوانەی بۆشایی ئاسمان کراون، بڕیاریشە لە داهاتوودا، ئێران چەند مانگێکی دیکەش هەڵبدات.

 

باكگراوند: ئێران و ڕووسیا جگەلەوەی ئابلۆقەكانی ئەمریكا و ڕۆژئاوا كۆیان دەكاتەوە، هاوبەشێكی گرنگی بوارەكانی سەربازیی، هەواڵگری، ئابووریی و بازرگانین، لەم دواییانەشدا بواری بۆشایی ئاسمان و مانگی دەستکردیشی گرتەوە و ئەمە جاری سێیەمە هەماهەنگی دەكەن.