لە ئەمریکا زستانێکی سەخت بەڕێوەیە و هەڕەشە لە دەیان ملیۆن کەس دەکات

ئاڤا نیوز

 

پێشبینی دەکرێت لە سەرەتای هەفتەی داهاتوو لە 12 ویلایەتی ئەمریکا بەراورد بە 10 ساڵی ڕابردوو زۆرترین ڕێژەی بەفر ببارێت. هاوکات زستانێکی سەخت ڕوو لە بەشێکی وڵاتەکە دەکات.

 

چیرۆکی سەرەکی: 62 ملیۆن کەس لە 12 ویلایەتی ئەمریکا لە ژێر هەڕەشەی بەفربارین و زستانێکی سەختدان، پێشبینی دەکرێت یەکشەممەی داهاتوو بەفرێکی زۆر ڕوو لە بەشێکی وڵاتەکە بکات کە بەراورد بە 10 ساڵی ڕابردوو سەرمای وا سەخت نەبووە.

 

ڕاگەیێنراوی فەرمی: کەناڵی سی ئێن ئێن بە پشتبەستن بە ئیدارەی نیشتمانی ئۆقیانووس و بەرگەهەوای ئەمەریکا (NOAA) بڵاوی کردەوە و ڕایگەیاند:

- قورسترین زریانی بەفر و سەرما ڕوو لە 12 ویلایەتی ئەمریکا دەکات.

- ویلایەتەکانی کانساس، ئارکانساس، کنتاکی و ڤێرجینیا باری نائاساییان ڕاگەیاندووە.

- دەیان ملیۆن کەس لە بەشێکی ئەمریکا لە ژێر هەڕەشەی سەرمایەکی سەختدان کە بەراورد بە 10 ساڵی ڕابردوو هاوشێوەی نەبووە.

 

ئەوەی پێویستە بیزانیت: بەفر ڕێگا سەرەکییەکانی بەشێک لە ویلایەتەکانی کانساس و ئیندیانایان داپۆشیوە، پاسەوانی نیشتمانی لە ئامادەباشیدان بۆ هاوکاری ئەو کەسانەی بەهۆی بەفر و سەرما ڕێگەیان لێدەگیرێت.