بوومەلەرزەیەک بە گوڕی 6.8 چین دەهەژێنێت

ئاڤا نیوز

 

لە باشووری ڕۆژئاوای چین لە ناوچەی تیبت کاتژمێر 9:05 خولەکی بەیانی بە کاتی بێجینگ بوومەلەرزەیەک بە گوڕی  6.8 لەسەر پێوەری ڕێختەر چین دەهەژێنێت و بەهۆیەوە 53 تاوەکو ئێستا گیانیان لەدەستداوە. 

 

بڵاوکراوەی فەرمی: ئاژانسی هەواڵی فەرمی چین 'شینوا' بڵاویکردەوە، بوومەلەرزەیەک بە گوڕی 6.8 پلەی ڕێختەر، لە باشووری ڕۆژئاوای چین، ناوچەی تیبت ڕوویداوە، ژمارەیەک هاووڵاتی ئەو ناوچەیە بوونەتە قوربانی.

 

ژمارەکان وادەڵێن: بەپێی ئامارەی ئاژانسە هەواڵییەکانی چین بڵاویانکردووەتەوە، تاوەکو ئێستا 53 کەس گیانیان لەدەستداوە، 62 کەسی دیکەش برینداربوون، ئامارەکانیش ڕوویان لە زیادبوونە.

 

لەلایەکی دیکەوە: شی جین پینگ، سەرۆکی چین ڕایگەیاند، تەواوی هەوڵەکانمان دەخینە گەڕ بۆ کەمکردنەوەی ژمارەی قوربانییەکان و ڕزگارکردنی خەڵک لەژێر باڵەخانەکاندا.

 

ئەوەی لەبارەیەوە دەگوترێت: بوومەلەرزەکە کاریگەرییەکی زۆری هەبووە لەسەر ئەو ناوچەی تیایدا ڕوویداوە و چەندین باڵەخانە ڕووخاون، هاوکات لە سەرانسەری ناوچەی شیگاتسێی تبت و کاتماندۆی پایتەختی نیپاڵ و بەشێک لە هیندستان هەستی پێکراوە کردووە.