پێشه‌وا هه‌ورامانی: كشانه‌وه‌ی كورد له‌ به‌غدا مه‌حاڵ نییه‌

ئاڤا نیوز

 

لە بەرامبەر پابەندنەبوونی حکومەتی عێراق بە بڕیاری دادگای فیدراڵی و یاسای بودجە  ڕێککەوتنەکان لەگەڵ هەولێر بۆ ناردنی مووچە،  حکومەتی هەرێمی کوردستان بیر لە هەڵوێستی تووند دەکاتەوە، پێشەوا هەورامانیش دەڵێت، "کشانەوەی کورد لە بەغدا مەحاڵ نییە".

چیرۆکی سەرەکی: لە کۆبوونەوەی ئەمڕۆی ئەنجوومەنی وەزیران تایبەت بە پرسی مووچە، گفتوگۆی ئەوە کراوە ئەوەی حکومەتی عێراق بەرامبەر خەڵکی کوردستان دەیکات ستەمە، لە ئەگەری بەردەوام بوونی دۆخەکە و چارەسەرنەکردنی کێشەکان بەتایبەت مووچە لە سەرەتای ئەمساڵدا، هەڵوێستی تووند بنوێنرێت تاوەکو دەگاتە کشانەوە لە پرۆسەی سیاسیی عێراق.

لێدوانی فەرمی: پێشه‌وا هه‌ورامانی، وته‌بێژی‌ حكومه‌ت لە گەشتی هەواڵەکانی کاتژمێر 07:00ی ئاڤا میوان بوو، لەمبارەیەوە وتی:

٠هه‌م سه‌رۆكی‌ حكومه‌ت و هه‌م جێگره‌كه‌ی‌ پێیانوابوو كه‌ له‌ ساڵی‌ نوێدا نابێت به‌مجۆره‌ مامه‌ڵه‌ له‌گه‌ڵ‌ فه‌رمانبه‌رانی‌ هه‌رێمی کوردستان بكرێت.

 

٠ هه‌نگاوی‌ یه‌كه‌م ئه‌وه‌یه‌ تیمێكی‌ هه‌رێمی‌ كوردستان له‌ پله‌باڵاكان لەگەڵ بەرپرسانەی له‌ناو حكومه‌تی‌ عێراق پۆستی‌ باڵایان هه‌یه‌، به‌منزیكانه‌ دانیشتنێكیان دەبێت.

 

٠  كشانه‌وه‌ له‌ به‌غدا دوور نییه‌ و مه‌حاڵیش نییه‌، ئه‌گه‌ر مامه‌ڵه‌ی‌ به‌رپرسانی‌ به‌غدا به‌مجۆره‌ به‌رده‌وام بێت، ئه‌گه‌رێكه‌ ڕوودەدات.