لە کەرکووک شەڕ لە نێوان پۆلیس و گرووپێکی چەکدار ڕووی دا

ئاڤا نیوز

 

لە گەڕەكی شۆراوی شاری كەركووك، ڕووبەڕووبوونەوەیەكی چەكداری لە نێوان هێزە ئەمنییەكان و دوو چەكدار ڕوویداوە، بەگوێرەی زانیارییەكانی ئاڤا، تەقەكەرەكان بازرگانی ماددەی هۆشبەرن و بریندار هەیە.

چیرۆكی سەرەكی: ڕووداوی تەقەكردن لەنزیك مزگەوتی گەورەی شۆراو لە شاری كەركووك ڕوویداوە كە دوو چەكدار بە ماددەی هۆشبەرەوە ڕووبەڕووی هێزە ئەمنییەكان بوونەتەوە و لە ئەنجامدا هەردوو چەكدارەكە بە برینداری دەستگیركراون و كارمەندێكی ئاسایشی نیشتمانی عێراقیش بریندار بووە.

لێدوانی فەرمی: سەرچاوەیەك لە پۆلیسی كەركووك بە ئاڤا میدیای ڕاگەیاند، بەهۆی ڕووداوی تەقەكردنەكەی كەمێك لەمەوبەری گەڕەكی شۆراو، سێ بریندار هەبووە.