لە هەولێر 7 ماددەی خۆراكی وەك سەبەتەی 10ـەمی ساڵی ڕابردوو دابەش دەكرێت

ئاڤا نیوز

 

بەڕێوەبەرایەتیی بازرگانیی كەلوپەلی خۆراكی هەولێر، ژمارەیەك بنكەی دابەشكردنی خۆراک ئاگادار دەكاتەوە كە سبەی یەكشەممە 12-1-2025، سەردانی بەڕێوەبەرایەتییەكە بكەن بۆ وەرگرتنی بەشە خۆراكی وەجبەی 10ـەمی ساڵی 2024.

 

ڕاگەیێنراوی فەرمی: بەڕێوەبەرایەتیی بازرگانیی كەلوپەلی خۆراكی هەولێر، ئاگادارینامەیەكی بڵاوكردۆتەوە و تێیدا داوا لە بنكەكانی سەنتەری شاری هەولێر دەكات، سبەی یەكشەممە سەردانی بەڕێوەبەرایەتییەكە بكەن بۆ وەرگرتنی لیستی بریكاری خۆراك و پێشكەشكردنی پارەی لیستی بریكاری بۆ سەبەتەی 10ـەمی ساڵی 2024.

 

زانیاریی زیاتر: بنكەكانی دابەشكردنی خۆراكی (201، 202، 203، 204، 205)، سەبەتەی خۆراكی 10ـەم كە هی ساڵی ڕابردووە وەردەگرن و بەسەر هاووڵاتیانی دابەش دەكەن.

 

چی پێویستە بكرێت: بریكارەکانی دابەشكردنی خۆراك پێویستە لەڕێگەی ڤیزەكارتی بانكی (جنوب ئیسلامی)ـیەوە پارە بدەن بۆ وەرگرتنەوەی لیستی بریکاری خۆراک، هەر بریکارێک پێشەکی پارە نەدات، بەشەخۆراکی بۆ ناچێت.

 

زانیاریی بەدەستهاتوو: بەشەخۆراكی سەبەتەی 10ـەم پێكهاتووە لە : (ڕۆنی زەیت، شەكر، برنج، نیسک، دۆشاوی تەماتە، نۆک، ئارینۆک).