نێچیرڤان بارزانی و سەرۆکی ئەرمینیا پەیوەندییە ئابوورییەکان تاوتوێ دەکەن

ئاڤا نیوز

سەرۆکی هەرێمی کوردستان و سەرۆکی ئەرمینیا لە کۆبوونەوەیەکدا پەیوەندییە ئابوورییەکان و چەند بابەتێکی دیکە تاوتوێ دەکەن.

چیرۆکی سەرەکی: ئەمڕۆ پێنجشەممە ڤاهگن خاچاتوریان، سەرۆکی ئەرمینیا بە سەردانێکی فەرمی گەیشتە هەولێر، دوای کۆبوونەوەی لەگەڵ سەرۆک بارزانی لە پیرمام، لەلایەن نێچیرڤان بارزانی، سەرۆکی هەرێمی کوردستان پێشوازی لێکرا.

ڕاگەیێنراوی فەرمی: لە کۆبوونەوەکەدا پەیوه‌ندییه‌كانی ئەرمینیا له‌گه‌ڵ عێراق و هه‌رێمی كوردستان به‌تایبه‌تی له‌ بواری ئابووری تاوتوێكراون. لەبارەى دۆخی عێراق و هه‌رێمی كوردستان و ڕه‌وشی پێكهاته‌كانیش بیروڕایان گۆڕیوەتەوە.

زانیاریی زیاتر: لە کۆبوونەوەکەدا باس له‌ ده‌رفه‌ته‌كانی بره‌ودان به‌ پەیوه‌ندییه‌كانی ئەرمینیا له‌گه‌ڵ عێراق و هه‌رێمی كوردستان کراوە،  هەردوولا تیشكیان خستووەتە سه‌ر ده‌رفه‌تی گه‌شتی ڕاسته‌وخۆی ئاسمانیی نێوان ئه‌رمه‌نستان و عێراق به‌ هه‌رێمی كوردستانه‌وه‌.

بۆچی گرنگە: نزیکەی سێ هەزار ئەرمەنی لە باشووری کوردستان دەژین، هاوکات هەزاران کوردیش لە ئەرمەنستان دەژین. ئەرمینیا کونسوڵخانەی لە هەولێر هەیە و لەڕێگەی ئەو دامەزراوەیەوە لەڕووی ئابووری و گەشتیاری و خوێندنەوە پەرە بە پەیوەندییەکانی لەگەڵ کوردستان دەدات.