وەزارەتی سامانە سرووشتییەکان لەبارەی دابەشکردنی نەوتی سپی ڕوونکردنەوە دەدات

ئاڤا نیوز

 

وەزارەتی سامانە سرووشتییەکانی حکومەتی هەرێمی کوردستان لەبارەی دابینکردنی نەوتی سپی لەلایەن حکومەتی فیدراڵ بۆ هەرێمی کوردستان ڕوونکردنەوەیەکی بڵاوکردەوە و دەڵێت، "عێراق پشکی هەرێمی کوردستانی نەناردووە". 

 

ڕاگەیێنراوی فەرمی: وەزارەتی سامانە سرووشتییەکان ڕایگەیاند: تاوەكو ئێستا پشكی هەرێمی كوردستان لە نەوتی پشتیوانیکراو، لەلایەن وەزارەتی نەوتی عێراقەوە نەگەیشتووە و بڕیارە لەم هەفتەیەدا بڕێک لە نەوتی سپی بۆ پارێزگا و ئیدارە سەربەخۆوەکان دابین بکرێت، ئەو بڕە نەوتەی بڕیارە وەزارەتی نەوتی عێراق دابینی بکات، زۆر لە پشكی هەرێمی كوردستان كەمترە و تەنیا بەشی لە %19ـی پێویستیی خێزانەکان دەکات.

 

زانیاریی زیاتر: ئەم بڕە نەوتەی دابین دەکرێت، بە چەند كاروانێک دەگاتە هەرێمی كوردستان و ڕاستەوخۆ لە ڕێگەی بەڕێوەبەرایەتییەکانی نەوت و کانزاکانەوە بە هەماهەنگیی لەگەڵ پارێزگاکان و ئیدارە سەربەخۆکان دەست بە دابەشکردنی دەکرێت.