لە سلێمانی زیاتر لە 14 هەزار کەس لە "هەژماری من" فۆڕمیان پڕکردووەتەوە

ئاڤا نیوز

 

زیاتر لە 14 هەزار کەس لە سنووری سلێمانی لە پڕۆژەی هەژماری من فۆڕمیان پڕکردووەتەوە. تەنیا ئەمڕۆ 
نزیکەی 250 کەس لە سلێمانی کارتیان وەرگرتووەتەوە.

 

وێنە گەورەکە: تا دێت سنووری بەشداریکردن لە پڕۆژەی هەژماری من فراوانتر دەبێت، تا ئێستا لە کۆی 20 هەزار کەس کە فۆرمی بانکی بازرگیانییان بۆ سوودمەندبوون لە خزمەگوزارییەکان پڕکردووەتەوە، زیاتر لە 14 هەزاریان هی سنووری پارێزگای سلێمانین.

 

بۆچی گرنگە: حکومەتی هەرێمی کوردستان بە ئامانجی هێنانەکایەی ئاسانکاریی زیاتر بۆ هاووڵاتییانی هەرێمی کوردستان بەردەوامە لە پتەوکردنی ژێرخانی بە دیجتاڵیکردن و لەو چوارچێوەیەشدا دەیەوێت سەرجەم مووچەخۆران لە ڕێگەی "هەژماری من"ـەوە مووچەکانیان وەربگرن و سوودمەند بن لە خزمەتگوزاریی بانکەکان.

ئەوەی پێویستە بیزانیت: تیمی هەژماری من ناو و زانیاریی ئەو کەسانەی لەو هەنگاوە سوودمەند بوون بۆ ئاڤا ناردووە و دەڵێن نزیکەی 20 هەزار کەس لە هەموو کوردستان لە پڕۆژەی هەژماری من فۆرمی وەرگرتنی کارتی بانکی بازرگانی عێراقیان پڕکردووەتەوە کە زیاتر لە 14 هەزاریان لە سنووری سلێمانین،  ئەمڕۆ نزیکەی 250 کەس لە سلێمانی کارتیان وەرگرتووەتەوە.

 

زانیاریی زیاتر: زیاتر لە 700 هەزار مووچەخۆر خۆیان لە هەژماری من مووچە وەردەگرن و ئێستا 219 هەزار مووچەخۆر لەو ڕێگەیەوە مووچەکانیان وەردەگرن، ئامانجەکە ئەوەیە ژمارەکە پێش کۆتایی ئەمساڵ سەرجەم مووچەخۆران لە نێو ئەو پڕۆژەیە تۆماربکرێن.