تێچووی ساڵانەی کۆکردنەوەی خۆڵ و خاشاک لە دهۆک 27 ملیار دینارە

ئاڤا نیوز

 

لە سنووری پارێزگای دهۆک رۆژانە زیاتر لە هەزار تۆن خۆڵ و خاشاک کۆدەکرێتەوە و ئاڤا لە بەدواداچوونێکدا داتای ساڵانەی خۆڵ و خاشاکی پارێزگاکە و تێچووی کۆکردنەوەی بڵاودەکاتەوە.

 

وێنە گەورەکە: ڕۆژانە لە ڕێگەی چەند کۆمپانیایەکەوە سەدان تۆن زبڵ و خاشاک لە سنووری شارەوانییەکانی دهۆک بەشێوەی جیاواز کۆدەکرێنەوە و لەناودەبرێن، تێچووی کۆکردنەوەی خۆڵ و پاشماوە مانگانە زیاتر کە دوو ملیار دینارە و نەبوونی کارگەی ڕیسایکلین ئەرک و تێچووەکەی لەسەر حکومەت زیاتر کردووە.

 

لێدوانی فەرمی: دیار سادق، بەرپرسی بەشی ژینگە لە شارەوانی گشتیی دهۆک بە ئاڤای ڕاگەیاند، "ڕۆژانە هەزار و 390 تۆن زبڵ و خاشاک لە سنووری پارێزگای دهۆک و ئیدارەی سەربەخۆی زاخۆ لە لایەن تیمەکانی ژینگە پارێزییەوە کۆدەکرێنەوە و بەڕێگەی جیاواز لەنێودەبرێن، ساڵانەش 27 ملیار و 98 ملیۆن دینار تێچووەکەیەتی."

 

ژمارەکان وادەڵێن: بەپێی بەدواداچوونەکانی ئاڤا، بڕی خۆڵ و پاشماوەی ڕۆژانە و مانگانەی شار و ناوچەکانی پارێزگای دهۆک و تێچووی کۆکردنەوە و لەناوبردنییان بەمجۆرەیە:

سەنتەری دهۆک: ڕۆژانە 500 تۆن زبڵ کۆدەکرێتەوە  و مانگانە تێچووی 590 ملیۆن دینارە.
زاخۆ: ڕۆژانە 153 تۆن کۆدەکرێتەوە  و تێچووی مانگانە 347 ملیۆن دینارە.
سێمێل: ڕۆژانە 225 تۆن کۆدەکرێتەوە  و تێچووی مانگانە 329 ملیۆن دینارە.
ئامێدی: ڕۆژانە 140 تۆن کۆدەکرێتەوە  و تێچووی مانگانە 475 ملیۆن دینارە.
ئاکرێ، بەردەڕەش و شێخان: ڕۆژانە 250 تۆن کۆدەکرێتەوە  و تێچووی مانگانە 745 ملیۆن دینار.